Xəlil Rza Ulutürk - Tapar məni - Kamran M. YuniS

#kamranyunis #kamranmyunis #poeziyateatrı #şiirler #şeirlər #eminsabitoğlu #sevgişeirləri #xəlilrzaulutürk Xəlil Rza Ulutürk - Tapar məni Bəstəkar - Emin Sabitoğlu - Atları yəhərləyin Hara getsəm, harda olsam, Qismət gəlib tapar məni. Alovlanan dan yerinin Təndirinə yapar məni. O – günəşdir, mən – səmayam, O – dənizdir, mən – bir çayam. Sanar lalə toxumuyam Yer üzünə səpər məni. Mənə şair balam deyər, Vəsf eləyər, oxşar öyər Kirpiyilə çalar, döyər, Gözləriylə öpər məni. Səadətim ağ ovcunda, Canım saçının ucunda, Iki əsrin ayrıcında, Gözləyir bir çapar məni. Əzrayılın işi düyün, Vurğunuyam mən gülümün. Bir baxışı min ölümün, Caynağından qapar məni. Mən məhəbbət məbədiyəm, Xalqım kimi əbədiyəm, Bir gün itirsələr nə qəm, Sabah xalqım tapar məni.