"Адыгэ-абазэ пшыналъэхэр" тхылъым и лъэтеувэ

ИпэкIэ итълъхьа нэтыным дагъуэ иIэу къыщIэкIащи, щIэрыщIэу идолъхьэж. Адыгэм тхылъыщIэ хэхъуэу диIащ. Ар зи Iэдакъэ къыщIэкIар шыкIэпшынауэ, шыкIэпшынащIэ, зи гъащIэр адыгэм и кIулътIурэм хэзылъхьэ Еуаз Зуберщ. Тхылъым и фIэщыгъэр "Адыгэ-абазэ пшыналъэхэр. ШыкIэпшынауэхэм папщIэ". Еуаз Зубер тхылъым иригъэхьащ адыгэ-абазэ пшыналъэ куэдыщэм я нотэхэр. Ар ипэкIэ адыгэм димыIауэ зы хъугъуэфIыгъуэшхуэщ. Хъурей Феликсрэ, "Адыгэбзэ хасэм" я гупыжкIэ, я къарукIэ тхылъым лъэтеувэ хуащIащ. Дауэдапщэ ирагъэкIуэкIам ипкъ иткIэ гуп куэдым я уэрэд, я пшыналъэ ягъэIуащ, къэпсэлъари мащIэкъым. Аращи, ди нэгу щIэкIа пшыхьым къыхэткъузыкIыжа теплъэгъуэхэм феплъ, федэIу