Чăваш патшалăх университечĕ 55 çулта

Икĕ пиллĕк... Çак паллăна хальхинче шкул ачи е студент мар, Илья Ульянов ячĕпе хисепленекен Чăваш патшалăх университечĕ тивĕçрĕ. Аслă пĕлӳ паракан вĕренӳ заведенийĕ шăпах 55 çул каялла Шупашкарта йĕркеленнĕ. Пĕлтерĕшлĕ уява паллă тума сумлă хăнасем, общество деятелĕсем, вĕрентекенсемпе студентсем Чăваш патшалăх университечĕн культура керменĕнче пухăнчĕç.