Адэжь щIэин/Адыгэ шыкIэпшынэм и атлас

ФIэхъус апщий, адыгэ и бын. Гуауэгъэву, гуфIэгъуэIэту, дгъэлъапIэрэ дигъэлъэпIэжу ижь пщIондэ адыгэм и фампIэм игъэлъэдарэ зекIуэ здырихьэжьу, хьэщIэщ блыным фIилъхьэрэ хьэщIэр иритригъэууэ адыгэм къыдекIуэкIащ шыкIэпшынэр. Апхуэдизу дилъ зыхэт шыкIэпшынэм сыт хуэдэ Iуэху епщIэкIми лей хъункъым. Нобэр къыздэсым нэхъ гу зылъытапхъэу, пщIэ зыхуэщIыпхъэу адыгэм шыкIэпшынэм теухуауэ илэжьам ящыщщ ГъукIэ Замудин и "Адыгэ шыкIэпшынэм и атлас" жыхуиIэ тхылъыр.