Kupsīniskai Garbāi — Far Over The Misty Mountains in Baltic Prussian language
Kupsīniskai Garbāi Tāli kīrsa kupsīniskans saltans gārbans, Prei gilluns pōzemins be wārans urwans Papallimai auēitwei prei āustran - Laukītun bālan be burtan aūsan. Īnstikjai wārai klantīsenjans segēi Be krūwa kūjai kāigi kalsāi kalsantjai En gilludeiktammans, kwēi timras pawīstis migga, En pāustazālamans rikīsnai aūktas wālas. Per wārans kunnegans be elfan rikijjans Bēi telli etswāikstinti si ausāina mānta: Tenēi teikāi be swāikstan engābi Kāi kliptun en kalabijjas dīgnas stabmans. Tenēi stengi en sirabliskans brēselins Kweitāntjans lāuksnans; en krōnins kabinna Drākenas pannu; en wīrtan drātan Tenēi ebrazgijja Mēnikas-Saūlis swāikstan. Tāli kīrsa kupsīniskans saltans gārbans, Prei gilluns pōzemins be wārans urwans Papallimai auēitwei prei āustran - Izkīnintun nūsan wārai izmīrstan aūsan. Izdrāza kālsans per subbans stwen tenēi, Ausāinans kānklins; kwēi niaīnunts kakinna - Lazīntas tennas stwen, be telli grēmas Bēi grēmusjas, ni kirdītas per wīrans be elfans. Rūkau pjāusis en auktammans, Wōimeni wētras en naktimans. Bēi ugnis wārmis, paplattina si lāpawints; Garjāi tēt degga kāigi lāpis sen swāikstan. Kalsāi kalsēi en lindāmans wiskwēi, Wīrai dirēi wūnzai sen bālans prusnans; Be drākenas nērti, spārtaisi nikāi pannu Pernaikinna tenēisans kuslins turmans be buttans. Dūmau gārbs pa tusnasmu Mēniku, Kirdēi Īnstikjaj prōklantitan trimpsnan (prōklantitan trimpsnan) Iz zālans bēga en aulaūjantjan assanin Pa tenesse pēdamans, pa Mēniku. Stwen en kupsīnu kīrsa barzūniskans gārbans Prei gilluns pōzemins be timrans urwans Papallimai auēitwei prei āustran Be ebwarītun kānklins be aūsan etwārtai! Tālkawuns Nikls Sasnis, 22.09.2023
Kupsīniskai Garbāi Tāli kīrsa kupsīniskans saltans gārbans, Prei gilluns pōzemins be wārans urwans Papallimai auēitwei prei āustran - Laukītun bālan be burtan aūsan. Īnstikjai wārai klantīsenjans segēi Be krūwa kūjai kāigi kalsāi kalsantjai En gilludeiktammans, kwēi timras pawīstis migga, En pāustazālamans rikīsnai aūktas wālas. Per wārans kunnegans be elfan rikijjans Bēi telli etswāikstinti si ausāina mānta: Tenēi teikāi be swāikstan engābi Kāi kliptun en kalabijjas dīgnas stabmans. Tenēi stengi en sirabliskans brēselins Kweitāntjans lāuksnans; en krōnins kabinna Drākenas pannu; en wīrtan drātan Tenēi ebrazgijja Mēnikas-Saūlis swāikstan. Tāli kīrsa kupsīniskans saltans gārbans, Prei gilluns pōzemins be wārans urwans Papallimai auēitwei prei āustran - Izkīnintun nūsan wārai izmīrstan aūsan. Izdrāza kālsans per subbans stwen tenēi, Ausāinans kānklins; kwēi niaīnunts kakinna - Lazīntas tennas stwen, be telli grēmas Bēi grēmusjas, ni kirdītas per wīrans be elfans. Rūkau pjāusis en auktammans, Wōimeni wētras en naktimans. Bēi ugnis wārmis, paplattina si lāpawints; Garjāi tēt degga kāigi lāpis sen swāikstan. Kalsāi kalsēi en lindāmans wiskwēi, Wīrai dirēi wūnzai sen bālans prusnans; Be drākenas nērti, spārtaisi nikāi pannu Pernaikinna tenēisans kuslins turmans be buttans. Dūmau gārbs pa tusnasmu Mēniku, Kirdēi Īnstikjaj prōklantitan trimpsnan (prōklantitan trimpsnan) Iz zālans bēga en aulaūjantjan assanin Pa tenesse pēdamans, pa Mēniku. Stwen en kupsīnu kīrsa barzūniskans gārbans Prei gilluns pōzemins be timrans urwans Papallimai auēitwei prei āustran Be ebwarītun kānklins be aūsan etwārtai! Tālkawuns Nikls Sasnis, 22.09.2023