Джэгурыгу. Адыгэ дзадзу джэгухэр

Пасэрей зэманым адыгэхэм я дуней тетыкIэм къигъэщIауэ Iуэхугъуэ куэд къадекIуэкIыу щытащ. Адрей лъэпкъхэм нэхъ япыщIа хъухункIэ, дунейшхуэм лъэIэсыхункIэ а Iуэхугъуэхэм щыщ куэд IэщIэхуащ ди лъэпкъым. Псалъэм папщIэ, адыгэ сабий джэгукIэхэр. ЦIыкIухэр зэрагъэджэгуу щыта джэгукIэхэр цIыхубэм хахьэжын мурад яIэу "Нарт хэку" щIалэгъуалэ хасэм хэтхэм я гупыжкIэ тхьэмахуэ зыбжанэкIэ бгъэзэжмэ Абхъаз утым деж "Джэгурыгу" жыхуиIэ адыгэ сабий джэгухэр щекIуэкIауэ щытащ. Джэгурыгу"-м къызэщIиубыдащ къафэхэмрэ пасэрей адыгэ сабий джэгукIэхэмрэ. Зэпеуэм хэтахэр Iэдииху къуажэм дэт 26-нэ курыт еджапIэм и сабийхэращ. Псори зэхэту - цIыху 20. Ахэр гупитIу гуэшауэ щытащ - "Iэдииху"-рэ "Нартыгу"-рэ. КъыщнэмыщIауэ джэгум хэтыну къэкIуахэт БжьыхьэлI Замиррэ Унэжокъуэ Тимуррэ ягъасэ къэфакIуэ цIыкIухэр. "Къэбэрдей-Балъкъэр" КъТК 2016 гъэ