Документсене йышăнаççĕ

Республикăри пултаруллă яш-кĕрĕме çитес çул та укçа парса хавхалантарĕç. Олег Николаевăн йышăнăвĕпе килĕшӳллĕн Чăваш Республикин Пуçлăхĕн çулсерен паракан ятарлă стипендине 1000 çамрăк илсе тăрĕ. 2023-мĕш çултан стипенди виçи уйăхне 2500 тенкĕпе танлашĕ. Çак тĕреве 14 çултан пуçласа 35 çул тултарман пултаруллă çамрăксем илме пултараççĕ. Паллах, саккуна хирĕçле ĕçсем тунисем ку çăмăллăхпа усă кураймаççĕ. Вĕренӳре, спортра, общество пурнăçĕнче хастарлăхпа, пултарулăхпа палăрсан çак хисепе тивĕçме пулать. Стипендиллĕ пулас текенсенчен паянтан документсем йышăнма пуçланă. Кирлĕ хутсене авăн уйăхĕн 22-мĕшĕччен йышăнаççĕ