«Профи-21» конкурса заявкăсем йышăнаççĕ

Блог аталантарасси, кăсăклă хыпарсем çырасси, фото-видео ӳкересси. Çак тата ытти ĕçе кулленех пурнăçласа пыракан пресс-секретарьсене, PR-специалистсене, журналистика ĕçне пуçăнакан студентсене тата медиа тытăмпа кăсăкланакан шкул ачисене «Профи-21» конкурса хутшăнма йыхравлаççĕ. Пултарулăх ăмăртăвĕнче ăсталăха кăтартас кăмăллисен чӳк уйăхĕн 6-мĕшĕччен заявка ямалла. Конкурс республикăра 2-мĕш хут иртет. Пĕлтĕр унта хутшăнакансене 3 енпе хакланă. Хальхинче вара студентсемпе шкул ачисем валли уйрăм номинацисем йĕркеленĕ. Тӳресем палăртнă тăрăх, ăмăртура текстсем хатĕрлеме, илемлĕ те тĕрĕс калаçма, кĕтмен лару-тăруран тухма пĕлнине хаклаççĕ. Конкурсăн куçăмлă майĕ раштав уйăхĕнче пуçланĕ