Kokhora - Kolkhish odabade კოლხიშ ოდაბადე მარგალურ

იბჭუქი დო იბხალუქი, ჟიშე ველუქ წყალობას, ცას ღორონს მოსაშველეს მევუჩინანქ მადლობას... გური მუჭო ელეღინე, მაძირექი ქოძირას?! მერძიებულ ეფი ღირ, ვეგმიჩინე დღას ძვირას, დღაშ დო სერით გილაბგორუნქ ალმასეფიში ძიას... თამარ მაფა ამდღა ხოლო იხვამანსი ვარძიას. ჩქინ ამბროსი ხელაია ჯვარს გინმაწერს ქიანას, საქორთუოშ გაჭირება ქუჯ დო ცოტნეს ქაძირას, ნტერ ბორქომით მიკილანს ენგური დო რუხიშ კარს, ჩონგურ თვალუნს ჯვეშობურო ჩელასი დო ნანინას... უკოჩობაშ კოჩი ამდღა ქიანას ეწოუნს, სამართალს კირიბწკუმა ნგერი მუშოთ იწონუნს, უმინჯურო ცოდა შხური უვერე თხას ეკოუნს, ბარდის დო ოძიგირეს ვარდი დღას ვეფალუნს... გუმოჩამილ კოლხი ვორექ, ვობუნქ ჩხე-ჩხე ჩილამურს, ოდაბადე მიდაღალირს მუ მუკომრდუნს ჭყოლირ გურს? თხოზუნა დო მიწონენა ნანინასი მარგალურს, ღორონთიში ჭყოლოფუა, ჩე დღა ხოლო ქუმოურს... გუმოჩამილ კოლხი ვორექ, ვობუნქ ჩხე ჩილამურს, კალმახაში მაჭოფალი ორაგულსუთ ოჭოფუნს, მაალეში მაგორალ, ზინთხი ზღვასი გენჩურუნს, მუმულ ქილორ კოდორ პიჯშე დუს ივილაფ, იონუნს... ირემ მიდგას უჭვალუნი, კინი თინა გეჭვალუნს, კალმახაში მაჭოფალი ორაგულსუთ ოჭოფუნს, მაალეში მაგორალ, ზინთხი ზღვასი გენჩურუნს, მუმულ ქილორ კოდორ პიჯშე დუს ივილაფ, იონუნს... ლექსი: ვალერიან ვეკუა