Kokhora - Kolkhi vorek margalur

Lyrics: იბჭუქი დო იბხალუქი რუში დუს ალმუარჩქილექ მაფშალიაშ ნაბირას, ჩილამური მუმანტებ, მითმიაკათუ წყარ მალს, იბჭუქი დო იბხალუქი, ჟიშე ველუქ წყალობას, ცას ღორონს მოსაშველეს მევუჩინანქ მადლობას... გური მუჭო ელეღინე, მაძირექი ქოძირას?! მერძიებულ ეფი ღირ, ვეგმიჩინე დღას ძვირას, დღაშ დო სერით გილაბგორუნქ ალმასეფიში ძიას... თამარ მაფა ამდღა ხოლო იხვამანსი ვარძიას. ჩქინ ამბროსი ხელაია ჯვარს გინმაწერს ქიანას, საქორთუოშ გაჭირება ქუჯ დო ცოტნეს ქაძირას, ნტერ ბორქომით მიკილანს ენგური დო რუხიშ კარს, ჩონგურ თვალუნს ჯვეშობურო ჩელასი დო ნანინას... უკოჩობაშ კოჩი ამდღა ქიანას ეწოუნს, სამართალს კირიბწკუმა ნგერი მუშოთ იწონუნს, უმინჯურო ცოდა შხური ჸვერე თხას ეკო'უნს, ბარდის დო ოძიგირეს ვარდი დღას ვეფალუნს... გუმოჩამილ კოლხი ვორექ, ვობუნქ ჩხე-ჩხე ჩილამურს, ოდაბადემიდაღალირს მუ მუკომრდუნს ჭყოლირ გურს? თხოზუნა დო მიწონენა ნანინასი მარგალურს, ღორონთიში ჭყოლოფუა, ჩე დღა ხოლო ქუმოურს... ირემ მიდგას უჭვალუნი, კინი თინა გეჭვალუნს, კალმახაში მაჭოფალი ორაგულსუთ ოჭოფუნს, მაჸალეში მაგორალ, ზნთხი ზღვასი გენჩურუნს, მუმულ ქილორ კოდორ პიჯშე დუს ივილაფ, ჸიონუნს... ვალერიან ვეკუა მირკანის 18, 2009