Баҳори шеъри Гулрухсор..

Агарчи бар Душанбе солҳои сол, Баҳори гулбасар такрор меояд, Ҳазорон бор меояд. Вале имсол зеботар, Вале имсол хушрўтар, Вале имсол бо асрор меояд. Ба гулгашту хиёбони Душанбешаҳр, Баҳори Яхчи Гулрухсор меояд. Душанбе ин баҳор аз шеъри Гулрухсор, Душанбе ин баҳор аз ҳусни Гулрухсор, Қабои навбаҳори Яхчро пўшид, Душанбе хоҳари худ Яхчро бўсид… Парасту чўб дар минқор меояд, Кабўтар ҳам чи беозор меояд, Гули бодому зардолу ба рангу бор меояд, Баҳори Яхчи Гулрухсор меояд. Машоми аҳли дилро бўи Мавлоно, Ва ё атри хуши Аттор меояд, Дилам лабташнаи ашъор меояд, Баҳори шеъри Гулрухсор меояд! Бузургмеҳри Баҳодур