Е́же от ве́ка та́инство открыва́ется дне́сь

Е́же от ве́ка та́инство открыва́ется дне́сь, и Сы́н Бо́жий, Сы́н Челове́чь быва́ет: да ху́ждшее восприи́м, пода́ст ми́ лу́чшее. Солга́ся дре́вле Ада́м, и Бог вожделе́в [бы́ти], не бы́сть, Челове́к быва́ет Бо́г, да Бо́га Ада́ма соде́лает. да весели́тся тва́рь, да ликовству́ет естество́, я́ко Арха́нгел Де́ве со стра́хом предстои́т, и е́же ра́дуйся, прино́сит печа́ли сопроти́вное. за милосе́рдие ми́лости вочелове́чивыйся Бо́же на́ш, сла́ва Тебе́.