Елбасы Н.Назарбаев Польша Республикасы Сенатының төрағасы С.Карчевскийді қабылдады

Кездесу барысында тараптар екі елдің экономика және инвестиция саласындағы өзара ынтымақтастықты тақылады. Сондай-ақ, парламентаралық ықпалдастықтың перспективалары сөз болды. Қос мемлекеттің байланысы мығым. Нұрсұлтан Назарбаев бұл қатынастардың тәуелсіздік жағдайында өрбігенін айтты. Қазір Польша кәрі құрлықта дамуда көш бастап тұрған мемлекеттердің бірі. Сондықтан Астана Варшавамен тығыз саяси қатынастарды нығайтуға мүдделі. Былтыр елбасы Польша басшысымен БҰҰ Бас Ассамблеясының 70-ші сессиясы алаңдарында кездескен болатын. Биыл поляк басшылығы Нұрсұлтан Назарбаевты Варшавада күтуде.